новости

Барысаў

Суддзя Барысаўскага суда Вольга Абрамовіч адхіліла скаргу на рашэнне прэзідыума Барысаўскага раённага Савета дэпутатаў і Барысаўскага раённага выканаўчага камітэта па фармаванні раённай тэрытарыяльнай выбарчай камісіі па выбарах дэпутатаў мясцовых Саветаў дэпутатаў. У скарзе ўтрымлівалася просьба прызнаць гэта рашэнне незаконным.

На першым паседжанні Гомельскай абласной выбарчай камісіі быў абраны яе старшыня — дырэктар філіялу Белдзяржстраху па Гомельскай вобласці Мікалай Стош. Дарэчы, ен трапіў у камісію з дапамогай «грамадзянаў, шляхам падачы заявы», што, вядома, не супярэчыць заканадаўству. Мікалай Стош раней быў узнагароджаны званнем «Выратавальнік году-2007».

Ніводнага прадстаўніка ад палітычных партый і ні воднага прадстаўніка ад працоўных калектываў раёну не ўвайшло ў склад тэрытарыяльнай выбарчай камісіі горада Маларыты Брэсцкай вобласці.