Працяг гісторыі аб грамадзяніне, які не пайшоў «здаваць адбіткі» пасля званка з міліцыі.
02/05/2012 - 15:15

Як паведамлялася раней, ваеннаабавязанаму мінчуку Яўгену Якімчанка 12 студзеня 2012 года патэлефанаваў чалавек, які прадставіўся супрацоўнікам Завадскога РУУС, і запатрабаваў прайсці абавязковую дактыласкапічную рэгістрацыю. У аддзяленне міліцыі Якімчанка не пайшоў.

Чалавек не пайшоў «здаваць адбіткі» пасля званка з міліцыі. Ці ёсць падставы для прыцягнення да адміністрацыйнай адказнасці?
24/02/2012 - 14:33

У грамадскую прыёмную Беларускага Хельсінкскага Камітэта* звярнуўся жыхар Мінска, які сутыкнуўся з прыцягненнем да адміністрацыйнай адказнасці пасля тэлефоннай размовы з супрацоўнікам міліцыі.

Як дзейнічаць пры праходжанні дактыласкапічнай рэгістрацыі. Схема.
17/01/2012 - 16:33

Дадзены прыкладны алгарытм дае ўяўленне аб парадку добраахвотнай і абавязковай дактыласкапічнай рэгістрацыі, тлумачыць, як правільна паводзіць сябе ў тыповых сітуацыях, якія тычацца дактыласкапіі.

 

Гісторыя хлопца, які абараніў сваё права не здаваць адбіткі бясконцую колькасць разоў
08/12/2011 - 13:44

У кастрычніку 2011 года ваеннаабавязанаму жыхару Гродзенскай вобласці Аляксандру Арапіновічу патэлефанавалі з мясцовага аддзялення міліцыі з патрабаваннем з'явіцца для дактыласкапіі на падставе Закона «Аб дзяржаўнай дактыласкапічнай рэгістрацыі».

Улетку таго ж года малады чалавек прыцягваўся да адміністрацыйнай адказнасці ў сувязі з удзелам у маўклівых акцыях пратэсту, у сувязі з чым ужо праходзіў дактыласкапію ў Мінску. Аб гэтым Аляксандр і паведаміў міліцыянту.На гэта ён пачуў адказ, што яго адбіткаў ў базе Фрунзенскага РУУС г. Мінска няма, і паўторнае патрабаванне прайсці працэдуру. Праз некаторы час малады чалавек атрымаў позву і накіраванне на дактыласкапічную рэгістрацыю. Стэлефанаваўшыся з супрацоўнікамі міліцыі, Аляксандр папярэдзіў, што па позве не з'явіцца, таму што яна складзена з парушэннямі, а накіраванне з'яўляецца састарэлым. Арапіновича папярэдзілі, што, у выпадку нез'яўлення па позве, справа будзе перададзена ў суд.

У Пінску 47 “ухілістаў” ад дактыласкапіі
18/05/2011 - 12:27

У Пінску амаль завершыўся працэс дактыласкапіі. Пра гэта паведаміў у сваім інтэрвью начальнік аддзелу аховы правапарадку Пінскага ГАУС. Усяго адбіткі пальцаў узялі ў 29669 жыхароў сталіцы Палесся, што складае амаль 96% ад ваеннаабавязаных асобаў. 1275 пінчукоў знаходзяцца па-за межамі гораду, таму іхнія адбіткі ўзяць пакуль немагчыма, яшчэ 47 чалавек з розных падставаў ухіляюцца ад дактыласкапічнай рэгістрацыі.

І пальчыкі “адкаталі”, і штраф за адмову ад дактыласкапіі далі
17/05/2011 - 12:16

Жыхара Пінска аштрафавалі за адмову ад дактыласкапіі, яшчэ чатыры падобныя справы знаходзяцца ў судзе горада Пінска.