Навіны

  • Зварот у Cпецыяльныя працэдуры ААН у сувязі са знікненнем Арцёма Дубскага

    У паведамленні мы падзяліліся дэталямі знікнення Арцёма Дубскага. 11 траўня ён быў затрыманы ў Менску і дастаўлены ў КДБ для правядзення допыту. Уначы 12 траўня Арцём быў вызвалены з КДБ з патрабаваннем вярнуцца а 14:30 для "аператыўна-вышуковых мерапрыемстваў". Калі Дубскі вяртаўся ў Асіповічы пасля допыту, за ім да самага дома ішла легкавая машына з трыма "людзьмі ў масках". Раніцай да легкавой машыны далучыўся мікрааўтобус. 12 траўня ў 12 гадзін дня Арцём выйшаў на вуліцу і не вярнуўся. З таго часу Арцём не выходзіць на сувязь. //
  • child tg

    Парушэнне правоў дзяцей у беларускім сегменце Telegram

    Беларускі Хельсінкскі камітэт звярнуўся да кіраўнікоў Telegram, Apple, Google з просьбай адрэагаваць на факты парушэння правоў дзяцей у беларускім сегменце Telegram каналамі, афіляванымі з дзяржавай. Гаворка ідзе аб практыцы публікацыі "пакаянных" відэа, удзельнікамі якіх з'яўляюцца дзеці. //
  • UN

    Накіравалі ў спецпрацэдуры ААН інфармацыю пра папраўкі ў крымінальнае заканадаўства, якія пашыраюць сферу прымянення смяротнага пакарання

    У паведамленні мы звярнулі ўвагу на каментар Палаты прадстаўнікоў аб тым, што мэтай такіх паправак з'яўляецца "аказваць стрымліваючае ўздзеянне на дэструктыўныя элементы, а таксама дэманстраваць рашучую барацьбу дзяржавы з тэрарыстычнай дзейнасцю". Мы ў гэтай сувязі падкрэслілі, што менавіта няўхільнасць, а не цяжар пакарання, з'яўляецца стрымліваючым фактарам пры здзяйсненні злачынстваў. БХК таксама паказаў, што публічнай дыскусіі па гэтым пытанні не праводзілася, у той час як абмеркаванне такіх складаных і далікатных пытанняў вельмі неабходна. //
  • Выказваем рашучы пратэст супраць пашырэння магчымасцяў ужывання смяротнага пакарання ў Беларусі

    Мы адзначаем, што грамадству не прадставілі выразных абгрунтаванняў неабходнасці пашырэння сферы ўжывання смяротнага пакарання. Аднак каментары дзяржаўных СМІ сведчаць пра тое, што іх мэта — паўплываць на актыўнасць пратэсных дзеянняў супраць удзелу Рэспублікі Беларусь у агрэсіі Расіі супраць Украіны, выкарыстання інфраструктуры і тэрыторыі нашай краіны для судзейнічання агрэсару. Пры гэтым неабходна ўлічваць тую акалічнасць, што жыхары Беларусі пазбаўленыя магчымасці выкарыстоўваць сваё законнае права аказваць уплыў на ўлады па такой важнай праблеме, якая непасрэдна закранае іх інтарэсы. //
  • Зварот у спецыяльныя працэдуры ААН па справе незалежных прафсаюзаў

    Мы падкрэслілі, што дакладная прававая аснова крымінальных абвінавачванняў супраць прафсаюзных актывістаў невядомая, а таксама што ў пастанове аб ператрусе пералічана каля 10 артыкулаў Крымінальнага кодэкса, якія традыцыйна выкарыстоўваюцца на працягу апошніх двух гадоў для пераследу грамадзянскай супольнасці і палітычнай апазіцыі. Акрамя таго, у паведамленні мы звярнулі ўвагу Спецыяльных дакладчыкаў на тое, што 7 красавіка КДБ прызнаў Беларускі прафсаюз работнікаў радыёэлектроннай прамысловасці (РЭП) экстрэмісцкім фарміраваннем. //
  • Старонкі