17 жніўня стала вядома, што Савет Міністраў ініцыяваў прыняцце законапраекта "Аб дэнансацыі Рэспублікай Беларусь Факультатыўнага пратаколу да Міжнароднага пакта аб грамадзянскіх і палітычных правах". У гэты час у Палаце прадстаўнікоў ідзе падрыхтоўка да разгляду законапраекта ў першым чытанні.
27 красавіка Палаты прадстаўнікоў Нацыянальнага сходу прынялі ў двух чытаннях законапраект аб зменах у Крымінальны кодэкс, паводле якога пашыраюцца магчымасці ўжывання смяротнага пакарання. У прыватнасці, прапануецца ўжываць смяротнае пакаранне за падрыхтоўку і замах на злачынствы, прадугледжаныя ч. 2 арт. 124 (Акт тэрарызму ў дачыненні да прадстаўніка замежнай дзяржавы ці міжнароднай арганізацыі), ч. 3 арт. 126 (Акт міжнароднага тэрарызму), ч. 3 арт. 289 (Акт тэрарызму), ч. 2 арт. 359 (Акт тэрарызму ў дачыненні да дзяржаўнага ці грамадскага дзеяча) Крымінальнага кодэкса.
У першую гадавіну пачатку ў Беларусі беспрэцэндэнтных рэпрэсій супраць Праваабарончага цэнтра "Вясна" больш за 20 міжнародных і беларускіх праваабарончых арганізацый распачынаюць кампанію з патрабаваннем вызваліць семярых затрыманых сябраў "Вясны" і прыцягнуць увагу да цяжкага становішча сотняў іншых зняволеных, якія сталі ахвярамі крымінальнага пераследу і апынуліся за кратамі выключна за ажыццяўленне свайго права на мірны сход і свабоду выказвання меркавання.
Сумесная заява праваабарончых арганізацый Беларусі
Мінск, 10.08.2020
Мы, прадстаўнікі беларускіх праваабарончых арганізацый, выказваем рашучы пратэст у сувязі з дзеяннямі сілавых структур у дачыненні да мірных дэманстрантаў.
Права выказаць меркаванне на мірных сходах з'яўляецца адным з найважнейшых правоў чалавека. У Беларусі няма эфектыўных механізмаў для рэалізацыі права на мірныя сходы, няма сумленных і свабодных выбараў, эфектыўнай працэдуры абскарджання парушаных правоў. Адзінай магчымасцю выказаць пратэст з'яўляюцца мітынгі і дэманстрацыі.
Сумесная заява праваабарончых арганізацый Беларусі
Мінск, 08.08.2020
Наша краіна ўступіла ў вельмі адказны і няпросты этап свайго развіцця. Выбарчая кампанія па выбарах Прэзідэнта Рэспублікі Беларусь актывізавала беларусаў ва ўсіх кутках краіны, паставіла людзей перад рашэннем найважнейшых для краіны пытанняў - як мы будзем жыць далей, як мы будзем развіваць нашу краіну. У многіх гэты выбар не супадае, але толькі разам мы - народ, якому належыць улада ў краіне.
Супольная заява праваабарончых ды іншых арганізацый грамадзянскай супольнасці Беларусі
Мінск, 10 ліпеня 2020 г.
Тэрміновая заява праваабарончай супольнасці Беларусі
Мінск, 11 чэрвеня 2020 г.
Заява праваабарончай супольнасці Беларусі па факце прад'яўленння абвінавачвання ў арганізацыі групавых дзеянняў, якія груба парушаюць грамадзкі парадак Сяргею Ціханоўскаму і шасці ўдзельнікам пікету 29 траўня ў Гародні.
Мінск, 9 чэрвеня 2020 г.
У траўні 2020 году ўлады Беларусі пачалі шырокія рэпрэсіі супраць грамадзянскай супольнасці. Па ўсёй Беларусі былі адвольна затрыманыя і асуджаныя да штрафаў і арыштаў больш за 120 чалавек. Праваабарончая супольнасць Беларусі патрабуе спыніць пераслед мірных дэманстрантаў, праваабаронцаў і журналістаў і вызваліць тых, хто адбывае арышт.
На пачатку гэтага месяца ў розных гарадах Беларусі адбыліся мірныя акцыі пратэсту: у падтрымку экаактывістаў Брэста (т. зв. “кармленне галубоў”), у падтрымку блогера Сяргея Ціханоўскага, акцыі супраць параду ў гонар 9 мая падчас пандэміі.
25 сакавіка 2020 года быў затрыманы Сяргей Сацук, журналіст і рэдактар інтэрнэт-рэсурсу "Ежедневник". 26 сакавіка яму была абраная мера стрымання ў выглядзе заключэння пад варту. 26 і 27 сакавіка былі праведзеныя ператрусы ў офісе "Ежедневника" і дома ў Сяргея Сацука, канфіскаваныя аргтэхніка, дакументы.
