Каротка:
Любое ўзаемадзеянне з арганізацыяй (у тым ліку сацыяльныя сеткі, звароты па дапамогу, удзел у адукацыйных мерапрыемствах) можа быць прызнана парушэннем. Існуе рызыка крымінальнай адказнасці. Заканадаўства прымяняецца шырока і дапускае адвольнае тлумачэнне. Калі вы ўзаемадзейнічалі з БХК — паклапаціцеся пра сваю бяспеку.
Што адбылося?
БХК звярнуўся да спецыяльных дакладчыкаў ААН па пытаннях аб свабодзе меркаванняў і іх свабодным выражэнні, становішчы праваабаронцаў і па сітуацыі ў Беларусі з інфармацыяй аб прызнанні нашых рэсурсаў "экстрэмісцкімі матэрыяламі".
Рашэннем Суда Чыгуначнага раёна г. Гомеля ад 7 чэрвеня 2024 года, які прайшоў без папярэдняга апавяшчэння і ўдзелу прадстаўнікоў арганізацыі, "экстрэмісцкімі" былі прызнаныя інтэрнэт-рэсурсы БХК, уключаючы старонку ў Facebook "Беларускі Хельсінкскі Камітэт. Правы чалавека ў Беларусі" і афіцыйны сайт арганізацыі.
Мы, беларускія праваабарончыя арганізацыі, выказваем рашучы пратэст супраць прызнання Праваабарончага цэнтра "Вясна" экстрэмісцкім фармаваннем і выказваем сваю салідарнасць з калегамі.
Беларускі Хельсінкскі Камітэт, Human Constanta, Lawtrend і Беларуская асацыяцыя журналістаў звярнуліся да спецыяльных дакладчыкаў па свабодзе выказвання меркаванняў, па свабодзе мірных сходаў і асацыяцый, а таксама па сітуацыі з правамі чалавека ў Беларусі і расказалі аб практыцы выкарыстання ўладамі заканадаўства аб супрацьдзеянні экстрэмізму для пераследу прадстаўнікоў арганізацый грамадзянскай супольнасці.
